تعرف علي التحفة المعمارية: قصر عائشة فهمي

 قصر عائشة فهمي .

من هي عائشة فهمي ؟ 

* عائشة فهمي هي بنت علي باشا فهمي ( كبير ياوران الملك فؤاد الأول ) .

وعندمت مات علي باشا : عائشة فهمي دفعت حوالي ٧٢ ألف جنية عشان تشتري نصيب اخواتها و يكون القصر ليها لوحدها 

عائشة فهمي اتجوزت الفنان يوسف وهبي و عاش معاها لفترة طويلة 

وبعد كده ماتت عائشة فهمي سنة ١٩٦٢ م .

أما بالنسبة للقصر : 

مكان القصر: كان يقع في حي الزمالك بالقاهرة .

من بناه و متي؟ بني علي يد المهندس الإيطالي أنطونيو لاشاك و اتبني علي الطراز الكلاسيكي وفي سنة ١٩٠٧ م .

القصر مكون من طابقين :- 

الطابق الأول : عبارة عن ٦ غرف وردهة كبيرة وفي النص تمثال اسمه المفكر و بعض من اللوحات زي (لوحة عازفة القيثارة لسانتير ) ، و لوحة أطفال في حالة رعب من كلب .

   

  * ٣ غرف في اليمين (صيفية ) واللي بتطل علي النيل و وتعرض هذه الغرف بعض من اللوحات للفنانين الأجانب .

     * ٣ غرف في الشمال ( شتوية ) و اللي يغلب عليها الطابع الأثري و بتتميز ببعض النقوش و الزخارف في الأسقف .

الطابق الثاني : فيه غرف كتيرة ذات الطابع الأثري و من ضمن الغرف دي 

   *( الغرفة اليابانية ) : اللي أهداها السفير الياباني لعائشة لما زارها في القصر و صممت من أجلها و في الغرفة دي نقوش و كلمات و صور يابانية علي الحيط  .

* غرفة الملابس الخاصة بيها 

* غرفة الحمامات و التي كانت تعمل بالسخان الغاز مما يدل علي شدة رفاهية عائشة فهمي . 

وفي سنة ١٩٧٥ م قام وزير الثقافة السابق ( يوسف السباعي ) بضم القصر إلي هيئة الفنون و الأداب و قطاع الفنون التشكيلية .

_______________________________________________________

كاتب المقال/ أحمد عبدالحميد

رحالة مصر - Rahalet Masr

Educate people and introduce them to the ancient history of our country, explore and help spread culture

فيسبوك

تويتر

انستغرام

يوتيوب

شارك هذا المنشور

اشترك في بريدنا الالكتروني لتتوصل باشعار فور نشر موضوع جديد

مواضيع ذات صلة