بحيرة في مصر من أيام الفراعنة يتبارك بها الناس و يستخدمونها للإستشفاء, تعرف عليها

دايما أجدادنا المصرين القدماء يبهرونا ببنائاتهم و إنشاءاتهم المميزة و المختلفة، من بداية الأهرامات في الجيزة و اللي بيعتبر الهرم خوفو اكبرهم و احد عجائب الدنيا السبع لحد التماثيل الصغيرة. كل حاجة كانت معمولة بتقنية عالية و دقيقة جدا اللي خلاها فريدة من .نوعها

موضوعنا النهاردة عن البحيرة المقدسة اللي موجودة في معبد الكرنك فى الاقصر. اللي أمر بحفرها الملك تحتمس الثالث و هو سادس ملوك الأسرة الثمانية عشر- عرضها حوالي 77م و طولها 120م. بس ايه اللي مخلي للبحيرة الأهمية دي؟

نتكلم الأول عن استخدامها و ايه السر ورا تسميتها بالاسم دة, الملك و الكهنة كانوا بيستخدموا البحيرة في التطهير و الإغتسال و التنظيف خلال مراسم الإحتفالات الدينية بحيث انهم كانوا بيغتسلوا فيها قبل ما يدخوا غرفة قدس الاقداس، اهم غرفة فى المعبد و اللي كان مقتصر دخولها علي الملك و الكاهن الأكبرفقط.

أما عنصر الإعجاز في البحيرة فهو ان المياه اللي فيها لا تجف علي اطلاقا و احتفظت بمنسوبها لحد انهاردة. و ممكن ده اللي خلى الناس تتبارك بيها و بعض السيدات يروحوا للبحيرة عشان تساعد فى علاج بعض الأمراض مثل العقم و غيرها من الأمراض المستعصية.

_______________________________________________________

كاتب المقال: جودي حسن نجم